اساسيات عجول التسمين الحلقه الثانيه
الحلقة الثانية في اساسيات عجول التسمين
د طاهر ابوزيد
ثالثا : استقبال العجول
العجل أول يوم هو ضيف جديد ف مزرعتك لازم تقدم له خدمة خمس نجوم عشان تريح العجل فالعجل يريحك الراحة دى هتبقى أول خطوة راحة للعجل بعد رحلة سفر فى طريق طويل بدون مياة أو غذاء مع التعرض لظروف جوية غير مناسبة لراحتة ” شمس أو برد ” عشان يبدا الانتاج معانا بعد راحة من الاجهاد المستمر لفترة طويلة
– رحلة الاجهاد ” النقل “
العجل وهو جى المزرعة بيعدى بفترة من الاجهاد مع حرمان من الاكل والشرب لفترة ودا بيعرضة لعوامل كتير ممكن تساعد انه يصاب بامراض مثل الامراض التنفسية نتيجة التعرض للرياح او حمى النقل نتيجة التعرض للشمس لذلك يجب التأكد من تجهيز مكان مريح للحيوان كما ذكرنا فى تجهيز العنبر والتعامل مع الحيوان بحذر خلال الساعات الاولى فى المزرعة وملاحظة الاتى عند نزول الحيوان : حركة الحيوان طبيعية – عملية التنفس طبيعية – اتزان الحيوان
-اول 3 ساعات فى المزرعة :
بعد نزول الحيوان والتاكد من سلامة يجب التعامل معاه كالاتى اولا عدم تقديم الطعام خلال الـ 3 ساعات الاولى للحيوان داخل العنبر
وبعد ساعة يتم تقديم ماء للشرب للحيوان ثم يقدم للحيوان وجبة خفيفة من العلف المالئ مثل ” الدريس – القش – التبن ” لاختباره في الشهية و ليس للشبع
– خلال الايام الاولى
يتم وزن الحيوانات و فحصها بدقه و ترقيمها و تسجيل ملاحظات كل عجل على حدى
بالنسبة
برنامج الاستقبال للعجل فى المزرعة
العجل بيبدا معاك الرحلة من أول يوم وانت لازم تفتح معه صفحة جديدة ودا بيبدا بانك تحط برنامج لبناء الحيوان والقضاء على الامراض الموجوده والوقاية من الامراض المحتملة عن طريق الاتى
– اعطاء مضاد حيوي واسع المدى ” للوقاية من الامراض الثانوية و خاصة التنفسية مثل حمي التنقل واضعاف اى مرض فى فترة الحضانه داخل الحيوان
بعد كده يتم
تجريع الحيوان ضد الديدان ” المعوية , الرئوية و الكبدية “” لطرد الديدان فى الاطوار المختلفة يستخدم عن طريق الفم
ويعمل ذلك على الاستفادة من الغذاء وقابلية الحيوان للزيادة عند الدخول فى الانتاج
و رش الحيوان ضد الطفليات الخارجة القراد
