بوابة دواء العالمية

اساسيات عجول التسمين الحلقه الاولى

اساسيات عجول التسمين
الحلقة الاولي د طاهر ابوزيد
مقدمة
يبدا العجل داخل المزرعة من يومة الأول وحتى النهاية لهدف واحد وهو التسمين بما يعنى ” الزيادة فى الوزن ” وللزيادة فى الوزن بعض من المعايير التى يحتاجها العجل ليقوم بذلك بكل سهولة ويقدم لك النتائج التى تنتظرها وهو ما يقدم للحيوان يوميا من عمليات مزرعية
ولكن العامل الأول الذى يعمل معك للتحقيق هدفنا ” التسمين ” هو العلف الذى سوف يقدم للحيوان يوميا وما هو الا ” فلوس ” تقدم للحيوان فى صورة مكونات علفية غالية الثمن لتتحول الى لحم
لتوضيح الفكرة والهدف وهو الوصول بالحيوان من وزن البداية وحتى الوزن المناسب للتسويق كحيوان لحم عن طريق دراسة اهم النقاط اللى هتعمل على تحويل ” الفلوس ” اللى لحم ليعود مره اخره ” فلوس “
في قاعدة معرفة في مشروع التسمين و هي ان ..
تربية الحيوانات مبتحبش ثلاث اشخاص وممكن تخلي الفلوس تراب وهما ” البخيل ” اللى هياكل العجول على قد الايد
” المهمل ” عشان مش هيهتم بالمكان اللى هيحط فيه الفلوس , ” الجاهل ” عشان مش هيقدر يفهم الحيوان ويعرف يتعامل معاه
لو انت مش واحد من الثلاثه دول تقدر تكمل معانا المقالة دلوقتى وتعرف النقاط اللى هنتكلم فيها وهى
تجهيز بيت العجل ” المزرعة ” اللى العجل هيقعد فيها 6 شهور وهياكل ويشرب فيها كل يوم
شراء العجل اللى هياكل فلوسك ” العلف ” ويحولها لفلوس “اللحم “
استقبال العجل فى بيته الجديد ” المزرعة ” أول يوم
تجهيز العجل عشان يبدا معاك حياة ” دورة ” جديدة على صفحة بيضه
الفلوس ” العلف ” اللى هياكلها العجل كل يوم وحسابتها
اولا : تجهيز المزرعة :
يعني اية تجهيز بيت العجل !!
عشان العجل يبقى مستريح فى المزرعة بتاعتك لازم توفرله مكان مريح يقدر يعيش فيه ويقوم بجميع وظائفة الحيوية ” نشاطة ” داخلة
وتجهيز المكان دا يبدا من أول الانشاءت التى يجب توافرها فى المكان ” الطوالة – الزناقة – احواض المياة – المظلات ” وتهيئ الارض نفسها لسهولة حركتة و راحته وانك توفر للعجل فندق خمس نجوم
1- مساحة العنبر
مساحة العنبر تتناسب مع عدد الحيوانات وعلى حسب نظام التربية ” مربوط أو سايب ” ولكل منهما مميزاته و عيوبة وهيتم عرضة بالتفصيل
يتم تخصيص مساحة فى حدود 6 – 8 متر لكل عجل ويفضل عند زيادة العدد داخل العبنر عن 50 راس بمساحة فى متوسط مساحة يبدا من 500 متر مربع ولكن احذر الكثافة العددية خلال فترة الصيف واتبع نظرية البوتجاز اما فى التربية المربوطة يتم تخصيم مساحة للعجل الواحد متر على طول الطوالة و مساحة محيطة حوالى 3 متر لضمان راحة حركة الحيوان وسهولة الجلوس فى جميع الاوضاع , يمكنك زيادة المساحة كلما كانت متوفرة لديك الامكانيات لذلك
2- تقسيم العنبر
يحتوى عنبر التسمين على العديد من المساحات المخصصة للعديد من الاغراض منها ” التغذية , الشرب , العمليات اليومية , التسكين ” لذلك يتم تقسيم العنبر كالاتى
– ” مدادات تعليف ” مساحة للتغذية وتكون بطول العنبر و حسب عدد الحيوانات كما ذكرنا
– “حوض للشرب ” عبارة عن حوض اسمنتي ويكون بطول حوالى 2 متر طول * 1 متر عرض * 2 متر ارتفاع
– ” زناقة ” مساحة متر من السور الخلفى للعنبر بطول العنبر لحجز الحيوانات والتعامل معها فى حالة العمليات اليومية
– ” ظل ” مساحة ثلث العنبر عبارة عن مظلة لراحة الحيوان من الشمس المباشرة ويفضل دائما ان تكون منها مساحة الحوض والمدادات العلفية
3- الارضية
ارض العنبر من الاشياء التى لا يهتم بيها كثير من العاملين فى مجال التسمين ولكن هى ذات تاثير كبير على حركة الحيوان
وتؤدى الى قلة الحركة وبالتالى قلة التوجهة للتغذية فيتاثر سلبيا على وزن العجول ويمكن ايضا اصابتها بكسور فى الارجل لذلك يجب توفر ارض نظيفة خالية من الحجارة والحواف الحاده وتكون رملية ويتم تطهيرها بالجير بعد كل دورة
4 – الرفاهية
داخل مزارع التربية توفر بعد المزارع نظم مختلفة للترفيه و راحة الحيوان مثل نظام التبريد والتهوية والتى تعمل على توفير ظروف مثالية للعجول داخل العنبر فى موسم الصيف وهناك بعض النظم الاخرى مثل الفرشاة التى تعمل على حك ظهر الحيوانات مما يسبب لهم الراحة
خلاصة المكان !
1 – جيد التهوية 2- معرض للشمس 3- مضلل ثلث العنبر 4- مظلل عند العلف و المياة 5- المساحة مناسبة للعدد 6- المكان نظيف ومطهر
ثانيا : شراء العجل :
العجل اللى هتشترية عشان تاكلة فلوس ” علف ” لازم يتوافر فيه بعض المواصفات واللى هتختار على اساسها العجل دا فعلا هياكل فلوس عشان يديك فلوس ولا ” هياكل وينكر ” والمواصفات دى عبارة عن علامات تاكد صحة العجل وقدرتة على الزيادة فى الوزن وهو الهدف بتاعنا فى المزرعة
1 – المواصفات الظاهرية
عين :
المظهر الصحى للعين يكون خالي من الافرازات والالتهابات ولامعه
مختم :
المظهر الصحى ان يكون المختم مندى خالى من اى افرازات انفية
شعر:
المظهر الصحى ان يكون الشعر لامع صعب الازاله باليد
جلد:
المظهر الصحى ان يكون لامع خالى من اى قشور مع مرونة الحركة
أرجل:
المظهر الصحى ان تكون سليمة متوسطة الطول قصير الارجل الامامية عن الخلفية
اللثه:
المظهر الصحى ان تكون خالية من الالتهابات وتتميز بالون الوردى الفاتح
الجسم:
المظهر الصحى ان يكون الظهر مستقيم والارباع الخلفية مستديرة وعريضة والجسم برميلى الشكل
2- المواصفات الحيوية
الحركة:
المظهر الصحى الحيوان متحرك غير كسول ويتحرك بشكل طبيعى وفى نشاط
التنفس:
المظهر الصحى ان تتم عملية التنفس بسهولة وبهدوء وخالية من اى نهجان او اصوات داخلية
الاخراج:
المظهر الصحى ان يكون الروث متماسك خالى من اى افرازات دموية او اسهالات والديدان وخالى من فضلات الطعام الظاهرة
اختيار العجل السليم عند الشراء هو بداية نجاح دورتك و تحويل الفلوس لفلوس وللحصول على عجل بمواصفات صحية دور على مكان موثوق فيه و مصدر تقدر ترجعله عند حدوث اى مشكلة .