النجاح قرار فعليك الاختيار
يونيو 3, 2024
الاخبار, مجتمع دواء, مقالاتكتب في
الدنيا دار شقاء وعناء
وخُلق الانسان فى كَبد
الفرق بين الناجح والفاشل
فرق بسيط هو ان الناجح ده راجل قرر ينجح واخذ بالاسباب دون عناء او شكوى او حقد اوغل
اما الفاشل نفسه قصير بيرمى فشله على غيره شخص شكاى بكاى حابب دور الضحيه المظلوم
عاوز تنجح لازم تقرر الاول انك تكون راجل قد المسؤلية ف كل شئ فى السهل والصعب فى الشده واللين فى الفرح والحزن
لازم تبقى راجل فى كل الامور الحياتيه فى بيتك وبره بيتك وفى شغلك وفى اسلوبك وفى تعاملك وفى كلمتك واتفاقك
المهمه اللى تُنسب لك تبقى قدها
وتؤمن انك مش شرط تنجح من اول محاوله ولازم تؤمن انك لازم تخسر ولازم تفشل فى المحاولات الاولى لكن بعد كده هتنجح وهترتاح وهتكبر والمشاكل اللى كانت في عينك كبيره هتبقى صغيره وبعد كده هيكون ليس لها قيمه اساسا
ارمى اى سلبيات ورا ضهرك واتوكل على الله كأنك بتبتدى من اول وجديد
وربنا هيعينك بس لازم شرط اساسى تكون بتتقى ربنا وعندك ضمير فى تصرفاتك وتعاملاتك
