امتى سعر البورصة بيبقى عالى و امتى السعر بيقل
مع نهاية كل دورة المربي بيبداء يشوف الفراخ فلوس بجناحات و بيتابع سعر البورصة وهو مستني يوصل للسعر اللى هو عايزة عشان يكسب
طب البورصة دى اصلا قايمه على ايه ؟
اول حاجه نظرية العرض و الطلب
الكمية اللى موجودة فى السوق و الكمية اللى الناس بتطلبها
يعنى ؟ ايه اللى بيحصل
كل ما المعروض بيزيد ..الطلب بيقل . السعر بيقل
كل ما المعروض بيقل.. الطلب بيزيد .. السعر بيزيد
طب ودا بسبب اية ؟
اقبال عدد كبير على التربية فى وقت المواسم
شراء عدد كبير من الكتاكيت مع انخفاض سعر كتكوت او العلف
كل ده بيقلل من سعر البيع و يرجع دا على المربي
طب ازاى الشركات بتتغلب على الحته دى
بالمجزر الالى مبطلعش فراخ حى كله مدبوح وجاهز
طب احنا بنقول الكلام ده ليه عشان تبقى عارف السبب الحقيقى وراء تغير الاسعار
وتعرف امتى السعر بيبقى عالى و امتى السعر بيقل ؟
طب لو حد قالك قاطع ومتبعش ايه اللى بيحصل ؟
حضرتك بتزود عدد الفراخ الموجوده فى السوق ووفقا لنظرية العرض و الطلب اللى قولناها
عدد الفراخ المعروضة بيزيد قدام التجار فالسعر بيقل مش بيزيد لان الفراخ بقيت كتير فى المزارع
وانت لازم تبيع عشان تخرج الدورة فهترضى باى سعر ودا هيخلى التاجر يشترى بالسعر اللى هو عايزة
ويرجع تانى يبيع بالسعر المناسب ليه هو فى السوق والمكسب يبقى مرتين
طب انا اعمل ايه ؟؟ انت تشتغل صح .. وتحسب تفاصيل تكاليف الدورة وازاى توصل للنتيجة باقل تكاليف
المصدر: (بوابة مزرعتي الإلكترونية: http://mazra3ty.com)
