بوابة دواء العالمية

العلف اللى هيخلى فراخك وزنها دهب ؟!

العلف هو اللى هيخلى وزن فراخك دهب عشان كده لازم نتفق مع بعض على شوية حاجات
لازم تتوفر فى علفك ؟؟
1- علفك يكون خالى من السموم الفطرية
2- علفك نسبة البروتين و الطاقة مظبوطة
3- علفك بيحقق اعلى معدل تحويل
ازاى توصل للعلف دا .. باختيار شركة كبيرة مضمونة موثوق فيها … خلصت المشكله !!
نيجى للنقطة الاهم اختيار العلف المناسب للمرحلة الانتاجية بتاعتك طب دى ازاى ؟؟
اول حاجه لازم تبقى عارفها ان فى اعلاف مختلفه لكل مرحلة فى التسمين
ويطلق عليها (بادئ 23 % – نامى 21 % –– ناهى 19 %)
طب ودا يعنى ايه ؟! بيختلف كل نوع من دول على التانى باختلاف نسبة البروتين
واللى اصبحت تصل فى انتاج بعد المصانع لـ 24 % ووهو ما يسمى بالجولد
وبعدة 23 % بروتين و هو السوبر بادئ وننتقل للـ 21 % وهو البادئ
و 19 % بادى نامى و اخيرا 18 % ناهى ..
طب نركز بقى عشان نعرف هنستخدم ايه ؟؟
اول حاجه اختلاف نسبة البروتين بيعكس الاختلاف فى السعر
ودا اول حاجه بتفرق للمربى للاعداد كبيرة و اللى بيستهلك كميات اكبر من الاعلاف
طب انا اعمل ايه بردة ؟؟
احنا هنقسم الدورة بتاعتنا 3 مراحل كل مرحلة هنستخدم علف مختلف
والمرحلة بتنتهى بانتهاء كمية العلف بتعتها يعنى ايه برده ؟؟
يعنى اول 12 يوم من الدورة ودا هيبقى علف 23 %
الفترة التانية من الدورة 12 – 24 دا هيبقى 21 %
الفترة الاخير من 24 وحتى نهاية الدورة 19 %
ودا عشان تقدر تحقق اعلى معدل تحويل و تخلى وزن فراخك دهب
تابعنا خلال حملة فراخك وزنها دهب عشان تتعرف على باقى العوامل المؤثرة على الوزن
هذة الحملة برعاية الوادى جروب

المصدر: (بوابة مزرعتي الإلكترونية: http://mazra3ty.com)